ਚੰਡੀਗੜ੍ਹ, 15 ਸਤੰਬਰ 2026: ਪੰਜਾਬ ਵਿੱਚ ਜੈਵਿਕ ਖੇਤੀ ਨੂੰ ਉਤਸ਼ਾਹਿਤ ਕਰਨ ਅਤੇ ਕਿਸਾਨਾਂ ਨੂੰ ਰਸਾਇਣਕ ਖੇਤੀ ਦੇ ਬਦਲ ਵਜੋਂ ਟਿਕਾਊ ਤੇ ਕੁਦਰਤੀ ਖੇਤੀ ਪ੍ਰਣਾਲੀਆਂ ਨਾਲ ਜੋੜਨ ਲਈ ਪੰਜਾਬ ਐਗਰੋ ਐਕਸਪੋਰਟ ਕਾਰਪੋਰੇਸ਼ਨ ਲਿਮਿਟਡ ਵੱਲੋਂ ਸੂਬੇ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਜੈਵਿਕ ਖੇਤੀ ਜਾਗਰੂਕਤਾ ਅਤੇ ਸਿਖਲਾਈ ਕੈਂਪ ਲਗਾਏ ਜਾ ਰਹੇ ਹਨ। ਇਨ੍ਹਾਂ ਕੈਂਪਾਂ ਦਾ ਮੁੱਖ ਉਦੇਸ਼ ਕਿਸਾਨਾਂ ਨੂੰ ਜੈਵਿਕ ਖੇਤੀ ਦੇ ਸਿਧਾਂਤਾਂ, ਇਸ ਦੀਆਂ ਤਕਨੀਕਾਂ, ਖੇਤੀ ਲਾਗਤ ਘਟਾਉਣ, ਮਿੱਟੀ ਦੀ ਸਿਹਤ ਸੁਧਾਰਨ ਅਤੇ ਸੁਰੱਖਿਅਤ ਖੁਰਾਕ ਉਤਪਾਦਨ ਬਾਰੇ ਜਾਣਕਾਰੀ ਦੇਣਾ ਹੈ। ਕੈਂਪਾਂ ਰਾਹੀਂ ਜੈਵਿਕ ਖੇਤੀ ਕਰ ਰਹੇ ਕਿਸਾਨਾਂ ਦੇ ਨਾਲ-ਨਾਲ ਉਹ ਕਿਸਾਨ ਵੀ ਸ਼ਾਮਲ ਹੋ ਸਕਦੇ ਹਨ, ਜੋ ਭਵਿੱਖ ਵਿੱਚ ਜੈਵਿਕ ਖੇਤੀ ਅਪਣਾਉਣ ਦੇ ਇੱਛੁਕ ਹਨ।
21 ਸਤੰਬਰ ਤੋਂ ਸ਼ੁਰੂ ਹੋਣਗੇ ਕੈਂਪ
ਜਾਰੀ ਕੀਤੇ ਪ੍ਰੋਗਰਾਮ ਅਨੁਸਾਰ ਕੈਂਪਾਂ ਦੀ ਲੜੀ 21 ਸਤੰਬਰ 2026 ਤੋਂ ਸ਼ੁਰੂ ਹੋਵੇਗੀ ਅਤੇ 3 ਅਕਤੂਬਰ 2026 ਤੱਕ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਕੈਂਪ ਲਗਾਏ ਜਾਣਗੇ। ਜ਼ਿਆਦਾਤਰ ਕੈਂਪਾਂ ਦਾ ਸਮਾਂ ਸਵੇਰੇ 10 ਵਜੇ ਰੱਖਿਆ ਗਿਆ ਹੈ। ਕੈਂਪਾਂ ਵਿੱਚ ਕਿਸਾਨਾਂ ਨੂੰ ਜੈਵਿਕ ਖੇਤੀ ਵੱਲ ਜਾਣ ਲਈ ਲੋੜੀਂਦੀ ਮੁੱਢਲੀ ਜਾਣਕਾਰੀ ਦੇਣ ਦੇ ਨਾਲ ਖੇਤ ਪੱਧਰ ’ਤੇ ਆਉਣ ਵਾਲੀਆਂ ਸਮੱਸਿਆਵਾਂ ਅਤੇ ਉਨ੍ਹਾਂ ਦੇ ਸੰਭਾਵਿਤ ਹੱਲਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਜਾਵੇਗੀ।
ਕਿਹੜੇ-ਕਿਹੜੇ ਜ਼ਿਲ੍ਹਿਆਂ ਵਿੱਚ ਲੱਗਣਗੇ ਕੈਂਪ?
ਪ੍ਰੋਗਰਾਮ ਮੁਤਾਬਕ ਪੰਜਾਬ ਦੇ ਕਈ ਜ਼ਿਲ੍ਹਿਆਂ ਵਿੱਚ ਹੇਠ ਲਿਖੇ ਅਨੁਸਾਰ ਕੈਂਪ ਆਯੋਜਿਤ ਕੀਤੇ ਜਾਣਗੇ:
| ਲੜੀ ਨੰ. | ਜ਼ਿਲ੍ਹਾ | ਸਥਾਨ (ਕਿਸਾਨ/ਫਾਰਮ ਦਾ ਨਾਮ ਅਤੇ ਬਲਾਕ) | ਮਿਤੀ ਅਤੇ ਸਮਾਂ | ਸਬੰਧਤ ਅਧਿਕਾਰੀ ਅਤੇ ਸੰਪਰਕ ਨੰਬਰ |
| 1 | ਰੂਪਨਗਰ | ਬਹਾਦੁਰ ਸਿੰਘ, ਪਿੰਡ- ਖੇਰਪੁਰ, ਬਲਾਕ- ਮੋਰਿੰਡਾ | 21.09.2026, 10:00 AM | ਸ਼੍ਰੀ ਸਤਵਿੰਦਰ ਸਿੰਘ (9915104042) |
| 2 | ਫ਼ਾਜ਼ਿਲਕਾ | ਰਾਜੇਸ਼ ਕੁਮਾਰ, ਪਿੰਡ- ਜੰਡਵਾਲਾ ਭੀਮੇਸ਼ਾਹ, ਬਲਾਕ- ਜਲਾਲਾਬਾਦ | 21.09.2026, 10:00 AM | ਸ਼੍ਰੀ ਗੁਰਪ੍ਰੀਤ ਸਿੰਘ (9023410002) |
| 3 | ਗੁਰਦਾਸਪੁਰ | ਹਰਵਿੰਦਰ ਪਾਲ ਸਿੰਘ, ਪਿੰਡ- ਜੈਨਪੁਰ, ਬਲਾਕ- ਡੇਰਾ ਬਾਬਾ ਨਾਨਕ | 21.09.2026, 10:00 AM | ਸ਼੍ਰੀ ਪਵਨਪ੍ਰੀਤ ਸਿੰਘ (8437622212) |
| 4 | ਮੁਕਤਸਰ ਸਾਹਿਬ | ਜਸਬੀਰ ਸਿੰਘ, ਪਿੰਡ- ਝੋਰੜ, ਬਲਾਕ- ਮਲੋਟ | 22.09.2026, 10:00 AM | ਸ਼੍ਰੀ ਗੁਰਪ੍ਰੀਤ ਸਿੰਘ (9023410002) |
| 5 | ਪਟਿਆਲਾ | ਗਗਨਦੀਪ ਸਿੰਘ, ਪਿੰਡ- ਘੱਗਾ, ਬਲਾਕ- ਪਾਤੜਾਂ | 22.09.2026, 10:00 AM | ਸ਼੍ਰੀ ਮਨਪ੍ਰੀਤ ਸਿੰਘ (9646916321) |
| 6 | ਐੱਸ. ਬੀ. ਐੱਸ. ਨਗਰ | ਸੁਰਜੀਤ ਸਿੰਘ, ਪਿੰਡ- ਲੰਗੜੋਈ, ਬਲਾਕ- ਬੰਗਾ | 22.09.2026, 10:00 AM | ਸ਼੍ਰੀ ਸਤਵਿੰਦਰ ਸਿੰਘ (9915104042) |
| 7 | ਫ਼ਿਰੋਜ਼ਪੁਰ | ਬਲਜਿੰਦਰਬੀਰ ਸਿੰਘ, ਪਿੰਡ- ਨਜ਼ਾਮਦੀਨ ਵਾਲਾ, ਬਲਾਕ- ਜ਼ੀਰਾ | 23.09.2026, 10:00 AM | ਸ਼੍ਰੀ ਗੁਰਪ੍ਰੀਤ ਸਿੰਘ (9023410002) |
| 8 | ਤਰਨ ਤਾਰਨ | ਵਜਿੰਦਰ ਪਾਲ ਸਿੰਘ, ਪਿੰਡ- ਮਰੀਂਗੰਦੀਪੁਰਾ, ਬਲਾਕ- ਭਿੱਖੀਵਿੰਡ | 23.09.2026, 10:00 AM | ਸ਼੍ਰੀ ਪਵਨਪ੍ਰੀਤ ਸਿੰਘ (8437622212) |
| 9 | ਬਠਿੰਡਾ | ਗੁਰਪ੍ਰੀਤ ਸਿੰਘ, ਪਿੰਡ- ਸੇਮਾ, ਬਲਾਕ- ਨਥਾਣਾ | 23.09.2026, 10:00 AM | ਸ਼੍ਰੀ ਗੁਰਪ੍ਰੀਤ ਸਿੰਘ (9023410002) |
| 10 | ਬਰਨਾਲਾ | ਪਲਵਿੰਦਰ ਸਿੰਘ ਗਰੇਵਾਲ, ਪਿੰਡ- ਸਹਿਣਾ, ਬਲਾਕ- ਸਹਿਣਾ | 24.09.2026, 10:00 AM | ਸ਼੍ਰੀ ਦੀਪਇੰਦਰ ਸਿੰਘ (9417506616) |
| 11 | ਐੱਸ. ਏ. ਐੱਸ. ਨਗਰ | ਹਰਦੀਪ ਕੌਰ ਧਾਲੀਵਾਲ, ਪਿੰਡ- ਪੱਪਨਾ, ਬਲਾਕ- ਖਰੜ | 24.09.2026, 10:00 AM | ਸ਼੍ਰੀ ਸਤਵਿੰਦਰ ਸਿੰਘ (9915104042) |
| 12 | ਅੰਮ੍ਰਿਤਸਰ | ਨਿਸ਼ਾਨ ਸਿੰਘ, ਪਿੰਡ- ਬੋਪਾਰਾਏ ਕਲਾਂ, ਬਲਾਕ- ਚੋਗਾਵਾਂ | 25.09.2026, 10:00 AM | ਸ਼੍ਰੀ ਪਵਨਪ੍ਰੀਤ ਸਿੰਘ (8437622212) |
| 13 | ਲੁਧਿਆਣਾ | ਦਰਸ਼ਨ ਸਿੰਘ, ਪਿੰਡ- ਬੁੱਦੜੀ, ਬਲਾਕ- ਜਗਰਾਓਂ | 25.09.2026, 10:00 AM | ਸ਼੍ਰੀ ਮਨਪ੍ਰੀਤ ਸਿੰਘ (9646916321) |
| 14 | ਪਠਾਨਕੋਟ | ਰਜਿੰਦਰ ਸਿੰਘ, ਪਿੰਡ- ਅਖਵਾਣਾ, ਬਲਾਕ- ਸੁਜਾਨਪੁਰ | 26.09.2026, 10:00 AM | ਸ਼੍ਰੀ ਪਵਨਪ੍ਰੀਤ ਸਿੰਘ (8437622212) |
| 15 | ਮਾਨਸਾ | ਸੁਰਜੀਤ ਸਿੰਘ, ਪਿੰਡ- ਮਾਖਾ, ਬਲਾਕ- ਮਾਨਸਾ | 26.09.2026, 10:00 AM | ਸ਼੍ਰੀ ਗੁਰਪ੍ਰੀਤ ਸਿੰਘ (9023410002) |
| 16 | ਫ਼ਰੀਦਕੋਟ | ਪਰਵਿੰਦਰ ਸਿੰਘ, ਪਿੰਡ- ਚੰਦਭਾਨ, ਬਲਾਕ- ਜੈਤੋ | 26.09.2026, 10:00 AM | ਸ਼੍ਰੀ ਗੁਰਪ੍ਰੀਤ ਸਿੰਘ (9023410002) |
| 17 | ਜਲੰਧਰ | ਅਮਰਜੀਤ ਸਿੰਘ ਭੱਗੂ, ਪਿੰਡ- ਚਾਹੜਕੇ, ਬਲਾਕ- ਭੋਗਪੁਰ | 28.09.2026, 10:00 AM | ਸ਼੍ਰੀ ਸਤਵਿੰਦਰ ਸਿੰਘ (9915104042) |
| 18 | ਮਲੇਰਕੋਟਲਾ | ਪਰਮਿੰਦਰ ਸਿੰਘ, ਪਿੰਡ- ਕੁੱਪ ਕਲਾਂ, ਬਲਾਕ- ਮਲੇਰਕੋਟਲਾ | 28.09.2026, 10:00 AM | ਸ਼੍ਰੀ ਦੀਪਇੰਦਰ ਸਿੰਘ (9417506616) |
| 19 | ਕਪੂਰਥਲਾ | ਗੁਰਮਿੰਦਰ ਸਿੰਘ, ਪਿੰਡ- ਰਾਮਪੁਰ, ਬਲਾਕ- ਕਾਲਾ ਸੰਘਿਆਂ | 29.09.2026, 10:00 AM | ਸ਼੍ਰੀ ਸਤਵਿੰਦਰ ਸਿੰਘ (9915104042) |
| 20 | ਮੋਗਾ | ਗੁਰਦੀਪ ਸਿੰਘ ਗਿੱਲ, ਪਿੰਡ- ਮਾਣੂਕੇ, ਬਲਾਕ- ਨਿਹਾਲ ਸਿੰਘ ਵਾਲਾ | 01.10.2026, 10:00 AM | ਸ਼੍ਰੀ ਮਨਪ੍ਰੀਤ ਸਿੰਘ (9646916321) |
| 21 | ਹੁਸ਼ਿਆਰਪੁਰ | ਮੁਨੀਸ਼ ਸ਼ਰਮਾ, ਪਿੰਡ- ਰਾਮਗੜ੍ਹ ਸਿੱਕਰੀ, ਬਲਾਕ- ਤਲਵਾੜਾ | 01.10.2026, 10:00 AM | ਸ਼੍ਰੀ ਪਵਨਪ੍ਰੀਤ ਸਿੰਘ (8437622212) |
| 22 | ਹੁਸ਼ਿਆਰਪੁਰ (ਗੜ੍ਹਸ਼ੰਕਰ) | ਮੋਹਿੰਦਰ ਪਾਲ, ਪਿੰਡ- ਟੱਬਾ, ਬਲਾਕ- ਗੜ੍ਹਸ਼ੰਕਰ | 01.10.2026, 10:00 AM | ਸ਼੍ਰੀ ਸਤਵਿੰਦਰ ਸਿੰਘ (9915104042) |
| 23 | ਸੰਗਰੂਰ | ਸੁਖਦੇਵ ਸਿੰਘ ਬੈਲਜੀਅਮ, ਪਿੰਡ- ਨਵਾਂ ਗਾਓਂ, ਬਲਾਕ- ਮੂਣਕ | 03.10.2026, 10:00 AM | ਸ਼੍ਰੀ ਦੀਪਇੰਦਰ ਸਿੰਘ (9417506616) |
| 24 | ਫ਼ਤਿਹਗੜ੍ਹ ਸਾਹਿਬ | ਰਵਿੰਦਰ ਸਿੰਘ ਖਰੋੜ, ਪਿੰਡ- ਨਲਿਨਾ ਕਲਾਂ, ਬਲਾਕ- ਫ਼ਤਿਹਗੜ੍ਹ ਸਾਹਿਬ | 03.10.2026, 10:00 AM | ਸ਼੍ਰੀ ਮਨਪ੍ਰੀਤ ਸਿੰਘ (9646916321) |
ਕਿਸਾਨਾਂ ਲਈ ਮਹੱਤਵਪੂਰਨ ਮੌਕਾ
ਜੈਵਿਕ ਖੇਤੀ ਨੂੰ ਲੈ ਕੇ ਕਿਸਾਨਾਂ ਵਿੱਚ ਦਿਲਚਸਪੀ ਲਗਾਤਾਰ ਵਧ ਰਹੀ ਹੈ। ਅਜਿਹੇ ਵਿੱਚ ਸਿਖਲਾਈ ਕੈਂਪ ਕਿਸਾਨਾਂ ਨੂੰ ਸਿਰਫ਼ ਜੈਵਿਕ ਖੇਤੀ ਦੇ ਫਾਇਦਿਆਂ ਬਾਰੇ ਜਾਣਕਾਰੀ ਦੇਣ ਦੀ ਬਜਾਏ ਇਸ ਨੂੰ ਵਿਹਾਰਕ ਤੌਰ ’ਤੇ ਅਪਣਾਉਣ ਵਿੱਚ ਵੀ ਮਦਦਗਾਰ ਸਾਬਤ ਹੋ ਸਕਦੇ ਹਨ। ਜੈਵਿਕ ਖੇਤੀ ਵਿੱਚ ਮਿੱਟੀ ਦੀ ਸਿਹਤ ਕਾਇਮ ਰੱਖਣ, ਜੈਵਿਕ ਖਾਦਾਂ ਦੀ ਵਰਤੋਂ, ਕੁਦਰਤੀ ਤਰੀਕਿਆਂ ਨਾਲ ਕੀਟ ਤੇ ਰੋਗ ਪ੍ਰਬੰਧਨ, ਫਸਲੀ ਵਿਭਿੰਨਤਾ ਅਤੇ ਖੇਤੀ ਵਿੱਚ ਬਾਹਰੀ ਇਨਪੁਟਾਂ ’ਤੇ ਨਿਰਭਰਤਾ ਘਟਾਉਣ ਵਰਗੇ ਪੱਖ ਮਹੱਤਵਪੂਰਨ ਹਨ। ਇਸ ਲਈ ਕਿਸਾਨਾਂ ਲਈ ਮਾਹਿਰਾਂ ਤੋਂ ਸਿੱਧੀ ਸਿਖਲਾਈ ਲੈਣਾ ਲਾਭਦਾਇਕ ਹੋ ਸਕਦਾ ਹੈ।
ਕਿਹੜੇ ਕਿਸਾਨ ਸ਼ਾਮਲ ਹੋ ਸਕਦੇ ਹਨ?
ਪੋਸਟਰ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਜੈਵਿਕ ਖੇਤੀ ਕਰ ਰਹੇ ਜਾਂ ਇਸ ਨੂੰ ਅਪਣਾਉਣ ਦੇ ਇੱਛੁਕ ਕਿਸਾਨ ਭਰਾਵਾਂ ਨੂੰ ਆਪਣੇ ਜ਼ਿਲ੍ਹੇ ਵਿੱਚ ਆਯੋਜਿਤ ਕੈਂਪ ਵਿੱਚ ਹਿੱਸਾ ਲੈਣ ਲਈ ਸੱਦਾ ਦਿੱਤਾ ਗਿਆ ਹੈ। ਇਸ ਪਹਿਲ ਦਾ ਸੰਦੇਸ਼ ਵੀ ਸਪੱਸ਼ਟ ਹੈ—“ਆਓ ਸਾਰੇ ਰਲ ਕੇ ਜ਼ਹਿਰ ਮੁਕਤ ਪੰਜਾਬ ਨੂੰ ਫਿਰ ਤੋਂ ਸਿਹਤਮੰਦ ਬਣਾਈਏ।”
ਸੰਪਰਕ ਲਈ
ਕਿਸਾਨ ਆਪਣੇ ਜ਼ਿਲ੍ਹੇ ਨਾਲ ਸਬੰਧਤ ਕੈਂਪ ਦੀ ਜਾਣਕਾਰੀ ਅਤੇ ਸੰਪਰਕ ਨੰਬਰ ਲਈ ਜਾਰੀ ਕੀਤੇ ਪ੍ਰੋਗਰਾਮ ਵਿੱਚ ਦਿੱਤੇ ਨੋਡਲ ਅਧਿਕਾਰੀਆਂ ਨਾਲ ਸੰਪਰਕ ਕਰ ਸਕਦੇ ਹਨ। ਪੰਜਾਬ ਐਗਰੋ ਵੱਲੋਂ ਸੰਪਰਕ ਲਈ +91 97845 12345 ਨੰਬਰ ਅਤੇ ਵੈੱਬਸਾਈਟ PunjabAgro.gov.in ਵੀ ਦਿੱਤੀ ਗਈ ਹੈ।
ਪਤਾ: ਪਲਾਟ 28, ਮੱਧ ਮਾਰਗ, ਸੈਕਟਰ 28, ਚੰਡੀਗੜ੍ਹ–160002।
ਪੰਜਾਬ ਐਗਰੋ ਐਕਸਪੋਰਟ ਕਾਰਪੋਰੇਸ਼ਨ ਲਿਮਿਟਡ ਜੈਵਿਕ ਖੇਤੀ ਨੂੰ ਉਤਸ਼ਾਹਿਤ ਕਰਨ ਲਈ ਪੰਜਾਬ ਸਰਕਾਰ ਦੁਆਰਾ ਨਿਯੁਕਤ ਨੋਡਲ ਏਜੰਸੀ ਵਜੋਂ ਕੰਮ ਕਰੀ ਹੈ।