ਲਾਈਫ਼ ਸਟਾਈਲ ਬਦਲਣ ਨਾਲ ਸਿਹਤ ਸਬੰਧੀ ਸਮੱਸਿਆਵਾਂ ਵਿੱਚ ਵਾਧਾ ਹੋ ਰਿਹਾ ਹੈ। ਇਸ ਨਾਲ ਜਿੱਥੇ ਬਿਮਾਰੀਆਂ ਨਾਲ ਲੜਨ ਦੀ ਸਰੀਰ ਦੀ ਸਮਰੱਥਾ ਘਟਦੀ ਜਾ ਰਹੀ ਹੈ, ਉੱਥੇ ਹੀ ਕੋਲੈਸਟ੍ਰੋਲ ਵਧਣ ਨਾਲ ਹਾਰਟ ਸਬੰਧੀ ਬਿਮਾਰੀਆਂ ਵਿੱਚ ਵੀ ਵਾਧਾ ਹੋਣ ਲੱਗਾ ਹੈ। ਅਜਿਹੇ ਵਿੱਚ ਨਿੰਬੂ ਜਾਤੀ ਦੀ ਗਰੇਪਫਰੂਟ ਦੀ ਨਵੀਂ ਕਿਸਮ ਤੁਹਾਡੇ ਲਈ ਰਾਮਬਾਣ ਸਾਬਤ ਹੋਵੇਗੀ। ਜੀ ਹਾਂ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵੱਲੋਂ ਖੋਜੀ ਇਹ ਨਵੀਂ ਕਿਸਮ ਸਿਹਤ ਲਈ ਬਹੁਤ ਗੁਣਕਾਰੀ ਹੈ। ਇਸ ਦੇ ਫਲ਼ ਵਿੱਚ ਐਂਟੀ ਐਕਸੀਡੈਂਟ ਦੀ ਮਾਤਰਾ ਵਧੇਰੇ ਹੋਣ ਕਾਰਨ ਇਹ ਸਰੀਰ ਨੂੰ ਬਿਮਾਰੀਆਂ ਨਾਲ ਲੜਨ ਲਈ ਭਰਪੂਰ ਤਾਕਤ ਦਿੰਦਾ ਹੈ। ਸਰੀਰ ਨੂੰ ਬੁਢਾਪੇ ਵੱਲ ਲਿਜਾਣ ਵਾਲੇ ਸੈੱਲਾਂ ਦੀ ਰਫ਼ਤਾਰ ਨੂੰ ਰੋਕਦਾ ਐ..ਕੋਲੈਸਟ੍ਰੋਲ ਕੰਟਰੋਲ ਕਰਕੇ ਹਾਰਟ ਦੀ ਰੱਖਿਆ ਕਰਦਾ ਹੈ। ਆਓ ਯੂਨੀਵਰਸਿਟੀ ਦੇ ਮਾਹਰ ਤੋਂ ਹੀ ਜਾਣਦੇ ਹਾਂ ਇਸ ਦੇ ਫ਼ਾਇਦਿਆਂ ਤੇ ਬਿਜਾਈ ਬਾਰੇ ਸਾਰੀ ਜਾਣਕਾਰੀ….
ਜਿੱਥੇ ਵੀ ਨਿੰਬੂ ਜਾਤੀ ਪੌਦੇ ਹੋ ਸਕਦੇ ਨੇ, ਉੱਥੇ ਗਰੇਪਫਰੂਟ ਨੂੰ ਵੀ ਉਗਾਇਆ ਜਾ ਸਕਦਾ ਐ । ਖ਼ਾਸ ਗੱਲ ਇਹ ਹੈ ਕਿ ਹੁਣ ਸਿਹਤ ਪ੍ਰਤੀ ਜਾਗਰੂਕ ਲੋਕ ਇਸ ਫਲਦਾਰ ਪੌਦੇ ਨੂੰ ਘਰੇਲੂ ਪੱਧਰ ਉੱਤੇ ਆਪਣੀ ਬਗੀਚੀ ਵਿੱਚ ਲਗਾ ਰਹੇ ਹਨ। ਇਸ ਬੂਟੇ ਨੂੰ ਲਗਾਉਣ ਲਈ ਕੁੱਝ ਗੱਲਾਂ ਦਾ ਧਿਆਨ ਰੱਖਣਾ ਬੇਹੱਦ ਜ਼ਰੂਰੀ ਹੈ। ਜੇਕਰ ਇਹ ਸਹੀ ਤਰੀਕੇ ਨਾਲ ਨਹੀਂ ਲੱਗਿਆ ਤਾਂ ਨਿੰਬੂ ਜਾਤੀ ਦੀਆਂ ਬਿਮਾਰੀਆਂ ਲੱਗਣ ਦੀ ਸੰਭਾਵਨਾ ਹੁੰਦੀ ਹੈ।
ਪੀ ਏ ਯੂ ਦੇ ਖੇਤਰੀ ਖੋਜ ਕੇਂਦਰ, ਬੱਲੋਵਾਲ ਸੌਂਖੜੀ ਤੋਂ ਗ੍ਰੀਨ ਮਾਈਕ ਦੀ ਖ਼ਾਸ ਰਿਪੋਰਟ….